Ресейлік шабуылшы Николай Комличенко ойнайтын Чехияның «Млада Болеслав» клубы оны Мәскеудің ЦСКА-сына сатуға келісті, деп хабарлайды Чемпионат.
Бұған дейін «Локомотив» шабуылшыны 3,5 миллион еуроға ауыстыруға келісті, бірақ соңғы сәтте келісім кейінге шегерілді. Сонымен қатар, соңғы Чехия чемпионатының бомбардиріне Грекияның ПАОК пен бельгиялық Гент қызығушылық танытқан болатын. Комличенконың ЦСКА-ға ауысуы туралы мәліметтер әлі жарияланған жоқ.
Шабуылшы Краснодардың түлегі, өткен маусымда ол «Млада Болеслав» сапында 29 гол соғып, чемпионаттың үздік бомбардирі атанды. Жаңа маусымда ол Чехия лигасының 5 матчында 4 гол соғып, соңғы турда покер соғып үлгерді.
Пікірлер 0