«Ювентустың» бұрынғы шабуылшысы Марио Манджукич еркін агент атанды. Бүгін, 5 шілдеде шабуылшы Twitter-де жарияланғандай, «Ад-Духайлдан» кетті.
Футболшы тараптардың келісімі бойынша еңбек келісімшартын бұзғанын баса айтты. Сондай-ақ Манджукич жылы қарсы алған клубқа алғыс айтып, сәттілік тіледі.
34 жастағы шабуылшы 2020 жылдың қысында «Ад-Духайлға» ауысты. Осы уақыт ішінде жеті кездесу өткізіп, бір гол соқты.
Катарға көшкенге дейін шабуылшы «Атлетико Мадрид», «Бавария» және басқа да клубтарда ойнаған. Ол Хорватия құрамасы сапында 89 матч өткізіп, 33 гол соғып, 2018 жылы вице-чемпион атанды.
Пікірлер 0