Смолов Ельциннің 17 жасар немересімен кездесе бастады

Мәскеудің «Локомотив» клубының және Ресей құрамасының шабуылшысы Федор Смолов әлеуметтік желіде Мария Юмашевамен бірлескен суреттерін жариялады. Мария 17 жаста. Ол Ресейдің тұңғыш президенті Борис Ельциннің немересі.

Смолов Юмашевадан 12 жас үлкен. Әлеуметтік желіде жарияланған суреттерге қарағанда, жұп пен достар Сент-Барт аралында демалып жатқан.

Футболшы «Ресей аруы-2003» Виктория Лопыревамен қарым-қатынасымен танымал. Олар 2015 жылдың мамыр айында ажырасқан.

Қазіргі Ресей чемпионатында Федор 14 кездесу өткізіп, үш гол соғып, үш нәтижелі пас берді.

19 турда 34 ұпай жинаған «Локомотив» турнир кестесінде бесінші орында келеді. «Зенит» 45 ұпаймен көш бастап тұр.