Моуриньо Дортмундтық Боруссиямен келіссөз жүргізді

«Манчестер Юнайтедтің» бұрынғы жаттықтырушысы Жозе Моуриньо Германия чемпионатына ауысуы мүмкін. Бұл туралы Daily Mail беделді Bild басылымына сілтеме жасап хабарлайды.

Дереккөздің хабарлауынша, Дортмундтық «Боруссияның» бас директоры Ханс-Йоахим Ватцке португалдық маманмен байланысып, Люсьен Фавр жұмыстан кеткен жағдайда команданы басқаруды ұсынған. Моуриньо жұмысқа кірісуге дайын екені атап өтілді. Ол қазірдің өзінде неміс тілін үйренуді бастады.

Швейцариялық бапкер Люсьен Фавр 2018 жылдың жазында «Боруссияны» басқарды. Өткен маусымда оның командасы Бундеслигада екінші орын алды. Ағымдағы маусымда олар 4 матчта 8 ұпай жинап, 15-ші орында тұр.

Ал Моуриньоға келсек, баспасөздің хабарлауынша, оған Зинедин Зиданды жұмыстан шығаруды ойлап жүрген «Реал Мадрид» қызығады.