Иранда футбол матчына бармақ болғаны үшін алты айға бас бостандығынан айырылған әйел қайтыс болды. Ол өзін өртеп жіберді

Иранда әйелдердің футбол матчтарына қатысуына тыйым салынғанына наразылық білдірген жас әйел өзін-өзі өртеп жіберді, деп хабарлайды ҚазАқпарат. elconfidential.com. Оқиға жексенбі, 8 қыркүйек күні болған. Дүйсенбі күні кешке күйік шалған қыз дереу ауруханаға жеткізілді.

Марқұмның сүйікті командасының футбол матчына бармақ болғаны үшін алты айға бас бостандығынан айырылғаны атап өтілген. «Эстеглал» мен «Аль Айн» арасындағы ойын 1:0 есебімен аяқталып, бойжеткен полиция қызметкерлерін балағаттады деген айыппен қамауға алынды.

Бойжеткеннің кепілдікпен босатылғанына қарамастан, үкім кейінірек расталды: оған алты ай түрмеде отыруға тура келді. Бұл оның өзін-өзі өртеуіне итермеледі. Жас әйелдің өлімі жұртшылықты дүр сілкіндірді, көбісі сот жүйесі мен полицияның әрекетін сынап, марқұмның өліміне соларды кінәлай бастады.

Бұл жағдай оқшауланған емес. Тамыз айында төрт әйел де матчқа бармақ болғаны үшін қамауға алынды.