«Спартак» Тедескоға жылына 3 миллион еуро төлейді

Мәскеулік «Спартак» жаңа бас бапкерін анықтады. Бұқаралық ақпарат құралдарының хабарлауынша, бұл итальяндық неміс маманы Доменико Тедеско болмақ.

Оның кандидатурасын ақ-қызылдардың бас директоры Томас Зорн ұсынған. Клуб бұл нұсқаны мақұлдады және ұлттық құрама матчтары үшін үзілістің соңында 34 жастағы бапкерді тағайындауды жоспарлап отыр.

FAN мәліметінше, жаңа командадағы бапкердің жалақысы жылына 3 миллион еуроны құрайды. Мәміленің басқа мәліметтері хабарланған жоқ.

Маманның соңғы клубы «Шальке 04» болды. Бір қызығы, 2017/18 маусымында осы командамен Германия чемпионатында күміс алып, келесі жылы қызметінен босатылды. Оның ойыншылары бес рет қатарынан жеңіліске ұшырап, кестеде 14-орында болды. «Шалькеге» келгенге дейін 34 жастағы Тедеско «Штутгарт» пен «Хоффенхайм» клубтарының тізгінінде жұмыс істеген.

Осы демалыс күндері «Спартак» ресейлік маман Олег Кононовты қызметінен босатты, оның тұсында команда Еуропа лигасының іріктеу кезеңінен өте алмады, сонымен қатар РПЛ-да қатарынан бесінші жеңіліске ұшырады.